Visións traxicómicas sobre a decadencia dun pensador británico do século XVIII, froitíferas e emotivas relecturas sobre a comedia adolescente de transición ao estado adulto, cinema de xénero que axusta as contas cun pasado bélico e traumático non recoñecido oficialmente, reflexións epidérmicas e profundas sobre a patolóxica relación que establecemos coas imaxes que consumimos…
Todo isto e máis nos atoparemos nas longametraxes da Sección Oficial da quinta edición de Novos Cinemas. Nove propostas, todas inéditas en Galicia, que aspiran a representar un dos posibles diagramas do cine contemporáneo máis creativo e arriscado.