Xa é posible presentar filmes para participar na Edición 02 de NOVOS CINEMAS – Festival Internacional de Cinema de Pontevedra, que se desenvolverá entre o 27 de xuño e o 2 de xullo de 2017 na cidade de Pontevedra.

NOVOS CINEMAS é un festival internacional de cine aberto a cineastas emerxentes de todo o mundo que conta cunha sección competitiva de ámbito internacional. Poderán concusar todas aquelas longametraxes (a partir de 60 minutos) que supoñan a primeira ou segunda obra dos seus realizadores. Serán admitidos os traballos producidos, ou cuxa estrea mundial tivese lugar, a partir do 1 de xaneiro de 2016; sempre que non fosen estreados comercialmente en España, nen exhibidos en circuitos de televisión públicos ou privados no momento da súa inscripción a concurso. O período de admisión de filmes (DEADLINE) extenderase ata o 1 de marzo de 2017.

PREMIOS

O festival NOVOS CINEMAS concederá tres premios: o Premio NOVOS CINEMAS, o Premio XURADO NOVO e o Premio do PÚBLICO. Un Xurado Internacional outorgará o Premio NOVOS CINEMAS á mellor longametraxe (cunha dotación económica de 2.000€). Este xurado, se así o considerase, pode conceder máximo dúas Mencións Especiais sen que as mesmas comporten dotación económica. Un xurado composto por un grupo de estudantes universitarios pertencentes ao Campus de Pontevedra (UVIGO), seleccionados pola organización do festival, outorgará o Premio XURADO NOVO (en forma de axuda á distribución). Finalmente, mediante a participación e o concurso dos espectadores (media ponderada de votacións e asistentes), outorgarase o Premio do PÚBLICO (en forma de axuda á distribución).

BASES e INSCRICIÓNS en este Link