A divulgación e educación audiovisual é un dos obxectivos de Novos Cinemas. Por iso continuamos desenvolvendo #AULA, unha proposta que hibrida transferencia de coñecemento e intercambio de experiencias entre profesionais audiovisuais e a cidadanía nunha atmosfera lúdica e relaxada. Deste xeito, os talleres e as proxeccións conforman as actividades e resultados finais de cada nova edición de #AULA.

As curtametraxes producidas en A xogos coa realidade, o taller impartido polo  investigador sonoro, artista audiovisual e cineasta Berio Molina durante o primeiro cuadrimestre do curso académico, reflectirán o talento e a creatividade que caracteriza ao noso campus.

Por outra banda, e en colaboración coa ECAM (Escuela de la Cinematografía y del Audiovisual de Madrid), centro formativo de referencia no territorio peninsular, o montador Carlos Cañas, responsable da montaxe de títulos como Tener tiempo e Hija del volcán, impartirá A montaxe e o seu deseño, un taller cuxo principal obxectivo é revelar que a montaxe dunha longametraxe emana do concepto deseño: o que está por vir.

Non podemos esquecernos da seccións motriz de Novos Cinemas: #AULA+NOVOS, un programa que aglutina actividades deseñadas para a poboación máis nova e inqueda.