15 DEC.
19.00h.
Teatro Principal

ROCK BOTTOM RISER

USA | 2021 | 79’ | Cor | ESTREA EN GALICIA

Direción: Fern Silva. Guión: Fern Silva. Fotografía: Fern Silva. Montaxe: Fern Silva. Música: Sergei Tcherepnin. Son: Fern Silva. Produción: Fern Silva.

Desde os primeiros viaxeiros que navegaban guiados pola luz das estrelas, ata o descubrimento de planetas habitables por astrónomos, Rock Bottom Riser examina e relaciona globalmente o que acontece nun territorio insular e mariño.

Fern Silva (1982, Estados Unidos/Portugal) é un artista que comezou a traballar como montador e cámara en Nova York. Aínda que as súas primeiras obras se centraban na súa relación con Portugal, a súa obra reorientouse subliñando a influencia da industria na cultura e o medio ambiente. Os seus filmes en 16mm exhibíronse en festivais, museos e cinematecas, como o de Toronto, Berlinale, Locarno, Rotterdam, MOMA PS1, Anthology Film Archives e Harvard Film Archive. Foi galardoado no Ann Arbor FF, no 25 FPS, Tesalónica IFF, Cinema du Reel e na Berlinale. Foi docente en varias institucións, como a Universidade de Illinois ou o Bard College, e recibiu apoio do Instituto Radcliffe de Estudos Avanzados e do Centro de Estudos Cinematográficos da Universidade de Harvard.