XURADO OFICIAL


XURADO OFICIAL

 

LUCERO GARZÓN
Mexicana radicada en Paris, Garzón foi directora de vendas internacionais de Pyramide, encargándose de exportar máis de 100 filmes, entre eles: El Botón de Nácar, Wakolda, Infancia Clandestina. En 2017 fundou LUZ VERDE empresa de produción e vendas de filmes latinoamericanos. Produtora asociada Los Débiles (Berlinale Forum 2018), La novia del desierto (Cannes Un certain Regard 2017), Los Últimos. Actualmente traballa en dúas coproducións con Arxentina: The Klezmer Project producida por Nevada Cinema e Jesús López de Maximiliano Schonfeld producida por Murillo Cinema. Garzón coordina os encontros de coprodución BAL-LAB do Festival de Biarritz Amérique Latine.

 

MISHA BIES GOLAS
Misha Bies Golas (Lalín, 1977), artista plástico, formado no campo da fotografía e do deseño, vive e traballa entre Lalín e Santiago de Compostela. A súa obra abarca ámbitos de distintas disciplinas, centrando os seus últimos traballos ao redor da acumulación de refugallos, libros e obxectos de diversa índole. Expuxo recentemente en CGAC, (Santiago de Compostela); Galería ADHOC, (Vigo); Fundación Luís Seoane, (A Coruña); MARCO, (Vigo); Laboral, (Gijón); Sala Josep Renau de la Facultat de Belles Arts de Sant Carles, (Valencia); Appleton Square, (Lisboa); DIDAC, (Santiago de Compostela); Galería Luis Adelantado, (Valencia) y Projeto Fidalga, (Sao Paulo). Ademais, é o protagonista da película Longa Noite de Eloy  Enciso.

 

CARLOS REVIRIEGO
Desde xaneiro de 2017 traballa na Filmoteca Española como Director Adxunto e de Programación. Coordinou a sección de cinema de El Cultural (El Mundo) desde 1999 a 2016, e foi redactor xefe de  Cahiers du cinéma España de 2007 a 2010. Actualmente é membro do consello de redacción de  Caimán Cuadernos de Cine e colaborador habitual nas súas páxinas, á vez que segue escribindo nas páxinas de El Cultural. Imparte clases de Estética do Cinema Contemporáneo e de Crítica Cinematográfica en distintos centros universitarios e academias audiovisuais. É membro do comité de programación do Festival de Cine Alemán de Madrid.