PENSANDO EN IMAXES: DISEÑOS DE CINEMA

15 Decembro | 11:00h – 13:00h| Museo de Pontevedra | Gratuíto previa inscripción

Dirixido a rapaces de 8-12 anos.

O traballo de Saul Bass, grande mestre do deseño gráfico, é o punto de partida deste obradoiro de creación plástica. As súas composicións para títulos de crédito e carteis de películas susténtanse na economía da cor e no emprego dun número reducido de elementos.

Nesta actividade creativa, as nenas e nenos participantes deberán elaborar unha mensaxe gráfica que simbolice un filme proposto aplicando as regras da gramática visual.

Taller Abierto é un colectivo pontevedrés que desenvolve proxectos artísticos e culturais. Entre as súas actividades atópanse a organización de cursos, visitas e actos; a coordinación de comunidades de aprendizaxe e o comisariado de exposicións. Na área socioeducativa o seu labor céntrase no deseño de programas didácticos e de integración social en artes plásticas e arquitectura para nenos e docentes, así como na creación, organización e execución de xornadas e congresos.


FICHA DE INSCRICIÓN




GRATUÍTO PARA OS 15 PRIMEIROS RAPACES EN RIGOROSO ORDEN DE INSCRICIÓN.
Nenos e nenas entre 8 e 12 anos.

- O festival poñerase en contacto coas persoas seleccionadas.