Dúas fermosas propostas abrirán e pecharán a Edición 05 de Novos Cinemas. Lois Patiño e Nuria Giménez Lorang rubrican eximios exemplos dun cinema tan singular como radical nos seus plantexamentos estéticos. Partindo de concepcións e formulacións aparentemente dispares, Lúa Vermella e My Mexican Bretzel semellan compartir un obxectivo común: o mergullo e a dispersión activa do espectador nunhas paisaxes hipnóticas que espertan tanta emoción como reflexión.