Mike vai dun sitio a outro, mais non se pode dicir que sexa un buscavidas. O seu radio de acción é mínimo, pois a súa vida transcorre entre a casa materna e a pizzería na que traballa. Mike non ten unha gran conversa e tampouco moita iniciativa pois prefire deixarse levar que facer as cousas por si mesmo.

Ted Fendt naceu en Philadelphia en 1989. Traballa como realizador e tradutor. Traduciu ao inglés a obra de críticos cinematográficos coma Luc Moullet, Mireille Latil-le-Dantec, Emmanuel Siety e Louis Seguin. Elaborou subtítulos para filmes de Jean-Marie Straub, Alain Resnais, Marcel Hanoun e Jean Epstein. Dirixiu tres curtametraxes. Short Stay é a súa primeira longametraxe.